Балаҕан ыйын 9 күнүгэр Саха сирин Ил Дархана Айсен Николаев үлэ сырыытынан Россия Дьоруойа Виктор Софроновка сырытта.
Төгүрүк остуол тула Виктор төрөппүттэрэ Галина Нагимовна уонна Андрей Викторович, эдьиийэ Татьяна, кэргэнэ Александра уонна уола Максим олордулар.
Максим оскуолаҕа үчүгэйдик үөрэнэр, ол иһин аҕата кини ситиһиилэринэн киэн туттар.
Төрөппүттэрэ кэпсииллэринэн Виктор сулууспатын кэмигэр олус кылгастык суруйар эбит: «Үлэ бара турар, барыта үчүгэй». Ийэтигэр, аҕатыгар ити кылгас тыллар олус улахан суолталаахтар.
Галина Нагимовна уонна Андрей Викторович үлэлээн-хамсаан, олохторун оҥостон, бэйэлэрин холобурдарыгар түөрт оҕону ииппит дьон буолаллар. Кинилэр Викторы эр санаалаах, хорсун буойун быһыытынан улаатыннарбыттар.
