Бэҕэһээ, балаҕан ыйын 3 күнүгэр, Саха сирин Ил Дархан Айсен Николаев Дьокуускай куорат мээрин Евгений Григорьевы кытта көрүстэ. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.
Көрсүһүүгэ «Уһук Илиҥҥэ 1000 тиэргэн» уонна «Мин тиэргэним» бырагыраамалар Дьокуускайга олоххо киириилэрин тустарынан сиһилии кэпсэттилэр.
Билигин эбийиэктэр бэлэмнэрэ 60%-ҥа тэҥнэһэр. Айсен Николаев тиэргэннэри оҥоруу олохтоохторго суолтата үрдүк, болдьоҕор түмүктэниэхтээх диэн соруйда.
«Алтынньы 31 күнүгэр диэри 76 тиэргэҥҥэ үлэ бүтүөҕэ. Мантан сэттэтин киин куорат төрөөбүт күнүгэр, балаҕан ыйын 11 күнүгэр, арыйыахпыт», — диэн Дьокуускай баһылыга Евгений Григорьев эттэ.
Ону тэҥэ көрсүһүүгэ Дьокуускай үбүлэниитин боппуруостарын көрдүлэр.
