Ил Дархан Айсен Николаев от ыйын 7 күнүгэр үлэтинэн Нерюнгри оройуонун Чульман бөһүөлэгэр 9 №-дээх оскуола тутуутун бэрэбиэркэлээтэ. Маны таһынан Серебряный Бор бөһүөлэккэ 14 №-дээх оскуола өрөмүөнүн көрдө. Бу икки эбийиэк 2025 сылга үлэҕэ киириэхтээх.
Чульман бөһүөлэк оскуолата 350 миэстэлээх. Билиҥҥи туругунан, үлэ былааныттан хаалан иһэр, ол эрээри тутааччылар үлэ тэтимин түргэтитэр сыаллаахтар. Ил Дархан, оробуочай дьон ахсаанын элбэтэргэ соруйда.
Айсен Николаев Серебряный Борга 14 №-дээх оскуола хапытаалынай өрөмүөнүн хамыытын бэрэбиэркэлээтэ. Өрөмүөн үлэтэ былаантан хаалбакка, тэтимнээхтик баран иһэр.
Бэлиэтээн эттэххэ, хапытаалынай өрөмүөн быйыл бэс ыйыттан «Модернизация школьных систем образования» федеральнай бырагырааманан оҥоһуллар.
