Айсен Николаев Ньурба баһылыга Алексей Иннокентьевы кытта көрсөн билиҥҥи балаһыанньа, оройуон социальнай-экономическай сайдыытын туһунан кэпсэттилэр.
Алексей Иннокентьев от үлэтин хаамыытын сырдатта, быйыл былааны куоһарыахтарын сөбүн ыйда.
«Быйылгы былааҥҥа 28 тыһыынча туонна оту оттуохтаахпыт. Үүнүү кэминэн», — диэтэ Ньурба баһылыга.
Маны таһынан сааскы халаан уутун содулун туоратыы түмүгүн иһитиннэрдэ. Муниципальнай тэриллии салайааччыта эппитинэн 29 эмсэҕэлээбит киһиттэн 28-һа биир кэмнээх көмөнү туһаммыт, тоҕус киһиэхэ федеральнай уонна өрөспүүбүлүкэ биэдэмистибэтин үбүнэн көмөтүн көрбүттэр.
Итиэннэ Ньурба баһылыга ойуур баһаарын балаһыанньатын кэпсээтэ.
«Икки баһаары утары охсуһабыт. Чаппандаҕа күүһүрдүү үлэтэ ыытылынна. Манна уопсайа 55 киһи, ол иһигэр 31 доброволец баар. 11 тиэхиньикэни туһаналлар, биэс тыраахтар буору хаһыы үлэтин ыытар. Атыйахха 60 киһи баһаары умуруорууга кыттар», — диэтэ Алексей Иннокентьев.
