Алтынньы 17 күнүгэр «Триумф» диэн Саха сирин чулуу спортсменнара Роман Дмитриев, Павел Пинигин, Александр Иванов Монреалга Олимпийскай оонньууларга чаҕылхай ситиһиилэрин уонна улуу тренер Дмитрий Коркин туһунан киинэ сүрэхтэнээри турар.
Бу иннинэ алтынньы 16 күнүгэр Ил Дархан Айсен Николаев киинэ айааччыларын Михаил Лукачевскайы уонна Алексей Егоровы кытары көрүстэ.
Ил Дархан 2023 сыл ыам ыйыгар устар хамаанданы кытары көрсөн ситиһиини баҕарбыта, киинэ үрдүк таһымнаах буоларыгар эрэллээҕин эппитэ.
«Былааннаммыт киинэ уһуллан бүтэн, дьоҥҥо-сэргэҕэ сүрэхтэнэн эрэриттэн үөрэбин. Киинэ сыала — спортсменнар чаҕылхай ситиһиилэрин сырдатыы эрэ буолбакка, үүнэр көлүөнэни кыайыыга дьулуһарга кынаттыыр», — диэн Айсен Николаев бэлиэтээтэ.
