Бу күннэргэ «Чороон түһүлгэтэ» балаҕаҥҥа өрөспүүбүлүкэ араас муннугуттан СВО-ҕа сылдьар байыастарга таҥас тигиигэ күүскэ үлэлэһэр филиаллар волонтёр-иистэнньэҥнэрэ муһуннулар. Үөрүүлээх быһыыга-майгыга сыл түмүгүнэн СӨ быраыытылыстыбатыттан махтал суруктары туттулар.
Кыттыылаахтарга барыларыгар Саха тыйаатырыгар «Уот уола уонна Хаарчаана» музыкальнай испэктээккэ 45 ыҥырыы суругу, тэрийээччилэртэн Варя Максиматтан уонна Любовь Готовцеваттан туттулар.
«Илии сылааһа» ийэлэр өрөспүүбүлүкэтээҕи добровольческай хамсааһыннарын филиалларыттан «Хотун Төҥүлү» хамаандата 2023 сыл түмүгүнэн СВО-ҕа сылдьар оҕолорго военизированнай таҥаһы тигиигэ муҥур кыайыылааҕынан буолла!
Сылтан ордук бу күҥҥэ дылы сыраларын ууран туран үлэлээбит амарах санаалаах далбар хотуттарга маннык Саҥа Дьыллааҕы көрсүһүүнү «Илии сылааһа» сыах тэрийэн ыытта.
Махтанабын, киэн туттабын! Инникитин өссө күүскэ оҕолорбут барахсаттар дойдуларыгар төннөн кэлиэхтэригэр дылы үлэбитин салҕыыбыт! Барыта уолаттарбыт, оҕолорбут тустарыгар, диэн «Илии сылааһа» түмсүү салайааччыта Ирина Егоровна Саввина санаатын үллэһиннэ.
