Бүгүн ипотеканы туһаныы саҥа бэрээдэгэ киирдэ. Ол курдук, льготалаах бырагыраамаларынан (тыа сиринээҕи ипотека, дьиэ кэргэн ипотеката, судаарыстыбаннай өйөбүллээх ипотека) бастакы усунуоc 20%-тан 30%-ҥҥа диэри улаатта. Бу бырагыраамаларынан элбээбитэ 6 мөл. солк. ылыахха сөп. Оттон Уһук Илиҥҥи уонна Арктическай ипотека муҥутуур суумата 9 мөл. солк. тиийдэ.
Ону таһынан чэпчэтиилээх ипотеканы биир киһи биирдэ эрэ туһаныан сөп буолла. Холобур, эрдэ ДВИ ылбыт киһи, аны дьиэ кэргэн ипотекатын ылар кыаҕа суох. Ол гынан баран, Дьиэ кэргэн ипотекатын эрдэ туһанан баран саппыт эбэтэр улахан иэннээх кыбартыыраны ылаары гынар буоллаҕына итиэннэ өссө биир оҕону төрөттөҕүнэ, бу бырагырааманан хаттаан туһаныан сөп.
