Кэбээйи улууһун баһылыга Иван Левин Украинаҕа буола турар балаһыанньа туһунан санаатын эттэ.
«Билигин аан дойду барыта биһиги дойдубутун кытта сибээстээх балаһынньаны кэтиир. Манна буруйдаахтары көрдүүр наадата суох. Бу биир күн иһигэр ылыллыбатах быһаарыы. Дойдубут салалтата дьоҥҥо кутталы үөскэппэт туһугар сөптөөх миэрэлэри ылынар», — диэтэ кини.
Кэбээйи улууһун баһылыга этэринэн, билигин провокацияҕа киирэн биэримэҥ, сонуну кырдьыктаах источниктартан билэр буолуҥ.
«Санкция, кыраныыссаны сабыы, мин санаабар дьыала кэмэ. Биһиги социальнай ситимэ суох чуумпутук олорбуппут. Ол иһин ити туһуттан долгуйар наадата суох. Ол оннугар элбэхтик дьиэ кэргэҥҥитин, чугас дьоҥҥутун кытта бириэмэҕитин туһалаахтык атаарыҥ. Саха дьоно өрүү түмсүүлээх, муударай, онон биһиги санаабытын түһэрбэппит диэн итэҕэйэбин. Итинтэн ураты, аан дойдуга олус элбэх кыһалҕа баар, ону барытын быһаарыахха наада. Биһиги элбэх омуктаах өрөспүүбүлүкэ буолабыт, маннык кэмҥэ бэйэбит биир сомоҕо буоларбытын көрдөрүөхтээхпит. Дойдубут туһугар, сайдыы туһугар бииргэ буолуоххайын», — диэн Иван Левин эттэ.
