СӨ Дьокуускайдааҕы харах балыыһатын сүрүннүүр бырааһа, «Биир ньыгыл Россия» баартыйа чилиэнэ Иван Луцкан СВО-тан кэлбит байыаһы көрүстэ.
Медик СВО-ҕа хаста даҕаны сылдьыбыт, онон байыаннай дьайыыга сылдьар хайдаҕын этинэн-хаанынан билэр.
«Биһиги, дойдубут иннигэр саамай улахан соруктары анал байыаннай дьайыы туруорар. Биһиэхэ өссө биир кыайыы наада. Биһиги Улуу Россия историятын уларытыа суохтаахпыт. Быраастар СВО-ҕа тиийэн наадыйар дьоҥҥо барыларыгар көмөлөһөллөр», — диэн Иван Луцкан эттэ.
Байыас Алдантан төрүттээх, дойдутугар бааһыран кэлбит. Кини манна доруобуйатын чэбдигирдиэҕэ, чугас дьонун, доҕотторун кытта көрсүөҕэ.
«Билигин ыарахан кэм. Биһиги хас биирдиибит СВО-ҕа сылдьар, сылдьыбыт дьоҥҥо өйөбүл буолуохтаахпыт. Манна, тыылга өйөбүл буолар дьоммутугар махтал», — диэн байыас эттэ.
Ил Дархан Айсен Николаев аатыттан Иван Луцкан байыаска быһах туттарда.
