Бэҕэһээ, сэтинньи 20 күнүгэр, Катарга футболга 22-с аан дойду чемпионата саҕаланна. Бу туһунан «Чемпионат» иһитиннэрэр.
Чемпионат үөрүүлээх аһыллыыта Эль-Хаур куорат «Эль-Байт» стадионугар ыытылынна. Тэрээһиҥҥэ Катар эмирэ Тамим бин Хамад Аль Тани тыл эттэ, ону тэҥэ BTS бөлөхтөн Чонгук уонна Катар ырыаһыта Фахад Аль Кубаиси кытыннылар.
Бастакы киирсиигэ Эквадор хамаандата Катары 2:0 ахсаанынан хотто. Икки мээчиги кимэн киирээччи Эннер Валенсия киллэрдэ. Бу оонньууга уопсайа 57 732 киһи сылдьыбыта бэлиэтэннэ.
Футболга 22-с аан дойду чемпионата сэтинньи 14 күнүттэн ахсынньы 18 күнүгэр диэри буолуоҕа. Күрэхтэһиигэ уопсайа 32 хамаанда оонньуур.
Киирсиилэр «Матч» ханаалыгар быһа эфиргэ көстөллөр.
