Кэбээйи нэһилиэгин түмсүүлэрэ — «Үтүө түгэн», «Үрүҥ көмүс» волонтердар, дьахталлар «Сандаара», эбээлэр «Күбэйэ» уонна иистэнньэҥнэр «Оһуор тойуга» «Якутия с тобой!» уопсастыбаннай хамсааһын аахсыйатыгар ис дууһаларыттан көхтөөхтүк кытталлар.
Нэһилиэк депутаттарын Сэбиэтин бэрэссэдээтэлэ Кландра Терехова бары түмсүүлэртэн иискэ дьоҕурдаахтары, баҕалаахтары түмэн «Эрэллээх тыыл» иис сыаҕын тэрийбитэ. Бу сыах Саха сирин ийэлэрин «Илии сылааһа» иистэнэр сыаҕын филиала буолар.
Кэбээйи нэһилиэгин иис сыаҕа кыайыыга тус кылаатын киллэрэр.
Ол курдук, маскировочнай сеткалары, блиндажнай чүмэчилэри, бубликтары, валиктары, стелькалары, аптечкалары уонна балаклавалары тигэр.
