Кэбээйиттэн ракета бааҕын хостоотулар

Саха сирин быыһыыр сулууспатын үлэһиттэрэ хайа хаспаҕыттан «Союз 2.1б» ракета топливнай бааҕын хостообуттар. Бу туһунан госкомобеспечение пресс-сулууспата иһитиннэрэр. Эвакуацияны олох ыарахан усулуобуйаҕа оҥорбуттар. «Быыһааччылар илиилэринэн эрбээн, хостоон таһаарбыттар барытын», — диэн иһитиннэриигэ этиллэр. «Союз-2.1б» ракетаны «Восточнай» космодромтан кулун тутар 25 күнүгэр ыппыттара. Тобоҕо Кэбээйи уонна Алдан оройуоннарыгар түспүтэ.