«Кэрэ кистэлэҥэ» биэриигэ СӨ ыччат дьыалатын уонна дьиэ кэргэн бэлиитикэтин министиэристибэтигэр миниистир солбуйааччыта Надежда Мохначевскайа НКО сыалын-соргугун, үлэтин, бырайыактар сүрүннүүр критерийдэрин, уонна министиэристибэ үлэтин туһунан сырдатта.
Ол курдук биэриигэ Россиятааҕы студенческэй этэрээт Саха сиринээҕи салаатын салайааччыта Алексей Соловьев, уонна Виктор Климов, «Эйгэ» общественнэй тэрилтэ салайааччыта Валентина Дмитриева уонна «Алмаас» социальнай өҥөнү оҥорор общественнэй тэрилтэ салайааччыта Серафим Иванов ыалдьыттаатылар. Кинилэр бэйэлэрин уопсастыбаҕа үтүөнү оҥорор коммерческайа суох тэрилтэлэрин үлэтин, граны хайдах ылар туһунан кэпсээтилэр.
