Дьокуускайга 600 үөрэнээччиттэн 500 кэриҥэ уонна Алдаҥҥа 100 оҕо дьарыктанар. Дьокуускайга 10-с №-дээх оскуола иһинэн карате бу истиилинэн саҥа спортивнай кулууп тэриллэрэ былааннанар.
Алдан уонна Дьокуускай 600-тэн тахса үөрэнээччитэ бу ураты истиилинэн «Киокусин оскуолата» федеральнай бырайыак көмөтүнэн дьарыктанан саҕалаата. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Ол курдук, Алдан гимназиятыгар, 10-с №-дээх оскуолатыгар уонна Дьокуускай 20-с №-дээх оскуолатыгар үс саҥа спортивнай комплексы арыйдылар. Итиэннэ физическэй култуура педагогтара эбии үөрэҕи аастылар.
Санатан эттэххэ, «Киокусин оскуолата» бырайыак Россия бэрэсидьиэнин Уһук Илиҥҥи Федеральнай Уокурукка боломуочуйалаах бэрэстэбиитэлэ Юрий Трутнев уонна РФ Уһук Илини уонна Арктиканы сайыннарыы миниистирэ Алексей Чекунков өйөбүлүнэн олоххо киирэр. Бырайыагы Киокусин каратеҕа аан дойду үс төгүллээх чемпиона Хаид Мантаев көҕүлээбит. Россия бэрэсидьиэнэ Владимир Путин туруорбут соругар — оҕо, нэһилиэнньэ спордунан дьарыктанар усулуобуйатын тэрийиигэ, тупсарыыга туһуланар.
Уһук Илин былырыын уопсайа 25 саҥа спортивнай саала үлэҕэ киирбит, быйыл эмиэ бачча ахсааннаах эбийиэк былааннанар.
