Саха сирин спортсмена Константин Драгунов Алматыга ыытыллар «Winter Run 2023» норуот икки ардыларынааҕы сүүрүү күрэҕэр
10 000 миэтирэ дистанцияҕа иккистээтэ.
Кини көрдөрүүтэ 32:20.36, оттон бастаабыт Казахстан спортсмена Ракымжан Келманов көрдөрүүтэ (32:18.91).
Тэрээһиҥҥэ икки тыһыынчаттан тахса киһи кыттыбыт: Великобританияттан, США-тан, Испанияттан, Францияттан, Канадаттан, Австралияттан, Германияттан, Казахстантан, Крыгызстантан, Кытайтан, Узбекистантан, Россияттан уонна да атын дойдулартан. Саамай уһун дистанция 10 килэмиэтир.
Константин Драгунов — Чурапчыттан төрүттээх, өрөспүүбүлүкэтээҕи күрэхтэргэ Мэҥэ Хаҥалас аатыттан киирсэр. Кини тренерэ Татьяна Жиркова.
2022 сыл сайыныгар Бороҕоҥҥо VIII спортивнай оонньууларга 10 000 миэтирэҕэ кыайбыт. 2022 сыл алтынньы бүтүүтүгэр Константин Драгунов «MBulak Kuz Demi 2022» норуот икки ардыларынааҕы марафоҥҥа 21,1 килэмиэтир дистанцияҕа үрүҥ көмүс мэтээли аҕалбыта.
