Саха сирин олохтоохторо коронавирус утары быһыыны 2021 сыл олунньу ыйыттан ылыахтрын сөп. Бу туһунан СӨ Доруобуйа харыстабылын миниистирэ Елена Борисова социальнай ситим нөҥүө быһа эпииргэ иһитиннэрдэ.
«Нэһилиэнньэҕэ уопсай быһыы олунньу ыйтан саҕаланыан сөп», — диэтэ кини.
Миниистир этэринэн, билиҥҥи туругунан, быһыыны коронавирус утары үлэлиир медицинэ үлэһиттэрэ ыла сылдьаллар. Саха сиригэр бастакы баартыйа балаҕан ыйыгар кэлбитэ, иккис сотору кэминэн кэлэрэ күүтүллэр.
Н.Ф. Гамалея аатынан Россиятааҕы Эпидемиология уонна микробиология национальнай чинчийэр киинигэр оҥоһуллубут бастакы вакцинаны РФ Доруобуйа харыстабылын министиэристибэтэ атырдьах ыйыгар регистрациялаабыта. Оттон биотехнология уонна вирусология наукатын киинэ оҥорбут «Вектор» иккис вакцина клиническэй тургутууну ааһар, алтынньы 15 күнүгэр диэри регистрацияланара былааннанар.
