Россия бырабыыталыстыбата эпидемиологическай балаһыанньаттан көрөн, коронавирус утары охсуһар медицинскэй үлэһиттэргэ көрүллэр эбии төлөбүрү оҥорууну салгыыр туһунан этиини киллэриэҕэ. Бу туһунан РИА Новости тириэрдэр.
Дойду премьерэ Михаил Мишустин Магаданҥа үлэ сырыытын кэмигэр бу боппуруоһу таарыйда.
«Былаас уорганнара пандемиянан олохтоммут балаһыанньаны кэтииллэр. Балаһыанньа сыанабылынан бэрэсидьиҥҥэ туһааннаах этиилэри киллэриэхпит. Коронавируһунан ыалдьыбыт дьону кытта салгыы үлэлиир быраастар уонна орто медицинскэй үлэһиттэр эбии төлөбүрү ылыыларын өйүөҕэ диэн эрэнэбин», — диэн кини эттэ.
Россия бырабыыталыстыбатын бэрэссэдээтэлэ медицинскэй үлэһиттэн регионтан ылар эбии төлөбүрдэрэ ахсынньыга диэри салҕанарын бэлиэтээтэ.
