COVID-19-тан ревакцинацияны 155 877 Саха сирин олохтооҕор туруордулар, бастакы компонены 613 496 киһи ылла.
Бу туһунан бэйэтин Telegram-ханаалыгар суһал штаб салайааччытын солбуйааччы Ольга Балабкина иһитиннэрдэ.
Алдаҥҥа, Мэҥэ Хаҥаласка, Нерюнгрига, Өймөкөөҥҥө уонна Дьокуускайга ревакцинацияны ылыы тэтимэ бытаан.
«Ааспыт сууккаҕа балыыһаҕа 27 киһи киирдэ, ол эбэтэр 98 ыалдьыбыт киһи 27,6%-гар тэҥ», — диэн Ольга Балабкина суруйбут.
Муус устар 12 күнүнээҕи туругунан, балыыһаҕа ыалдьыбыт дьон 17,7%-на эмтэнэр, амбулаторно — 82,3%. Суукка иһигэр 244 киһи үтүөрбүт, быһыыны ылбатах дьон ыараханнык аһарара бэлиэтэнэр.
COVID-19-нан ыалдьыбыт дьоҥҥо бэлэмнэммит 645 куойка 25%-нын туһамматтар.
