Коронавирустан утары ревакцинацияны 160 125 киһи ааста

Саха сиригэр вакцинацияны иккистээн 160 125 ааспыт, ол эбэтэр  — 67,1%. Бу туһунан суһал штаб иһитиннэрэр.

Алдаҥҥа, Мэҥэ Хаҥаласка, Нерюнгрига, Өймөкөөҥҥө уонна Дьокуускайга ревакцинацияны туруоруу тэтимэ бытаан.

Ааспыт сууккаҕа коронавирустан 73 киһи үтүөрбүт, 87 киһи ыалдьыбыт, 41 киһи балыыһаҕа киирбит. Вакцина бастакы компоненын 620 734 киһи ылбыт — 86,6%.

Уопсайа ыалдьыбыттар 23,5%-ра балыыһаҕа эмтэнэр, дьиэттэн — 76,5%. Быһыыны ылбатах дьон ыарыыны ыараханнык аһарара бэлиэтэнэр.