Крым муостатыгар суһал быһылаан буолбутугар РФ бэрэсидьиэнэ Владимир Путин премьер-миниистиргэ бырабыытылыстыба хамыыһыйатын тэрийэригэр соруйда.
Владимир Путин Крым муостатыгар суһал быһылаан туһунан иһитиннэриини РФ бырабыытылыстыбатын бэрэсэдээтэлиттэн Михаил Мишустинтан, вице-премьер Марат Хуснуллинтан, МЧС баһылыга Александр Куренковтан уонна тыраанспар министиэристибэтиттэн Геннадий Савельевтан уонна силовой биэдэмистибэ салайааччыларыттан ылла. Бэрэсидьиэн соругунан миниистирдэр Савельев уонна Куренков быһылаан буолбут сиригэр бардылар.
Бэрэсидьиэн Владимир Путин примьер-миниистиргэ бырабыытылыстыба хамыыһыйатын оҥорорго сорудахтаата.
Хамыыһыйа састаабыгар Краснодарскай кыраай уонна Крым баһылыктара, Росгвардия, ФСБ, МВД бэрэстэбиитэллэрэ киириэхтэрэ.
Алтынньы ый 8 күнүгэр муостаҕа поезд түгэҕэр убаҕас оттуктаах цистерна умайда. Локомотив сорох вагоннарын кытта Керчь ыстаансыйаҕа таһаарылынна. Аварийнай үлэлэр ыытыллаллар. Быһылаан биричиинэтэ быһаарыллар. Барыллаан эттэххэ эмсэҕэлээбит суох.
Крым муостата быстах кэмҥэ сабылынна. Былаас салайааччылара паром сылдьарыгар үлэлииллэр.
