Кулун тутар 27 уонна муус устар 3 күннэригэр өрөспүүбүлүкэ киин куоратын ветеринарнай сулууспата ииримтийиини утары ыттарга уонна куоскаларга булгуччулаах вакцинацияны ыытыаҕа. Бу туһунан СӨ ветеринариятын департаменын пресс-сулууспата иһитиннэрэр.
Кыылларга «Рабикан» диэн антирабическай препараты туруоруохтара.
Маны тэҥэ, ыттаах уонна куоскалаах дьон «Все звери» национальнай порталга кыыл туһунан дааннайдары киллэрэн туран, чипирование өҥөтүн туһаныахтарын сөп.
Олохтоох бириэмэнэн сарсыарда 10:00-тан 15:00 чааска диэри вакцинацияны маннык аадырыстарга туруоруохтара:
Чкалов аатынан уулусса, 28 («Саһарҕа» маҕаһыын дьиэтэ),
Можайскай аатынан уулусса, 13/3Г куорпуһа (50 №-х гараж буоксата),
Богатырев аатынан уулусса, 11 (уокурук дьаһалтатын дьиэтэ),
Ленин проспегын, 46-с №-дээх дьиэтэ (уокурук дьаһалтатын дьиэтэ),
Каландаришвили аатынан уулусса 40/1 («Прометей» салайар хампаанньа инженернэй булуога),
Сэбиэскэй аармыйа 50 сылынан уулусса, 33 (уокурук дьаһалтатын дьиэтэ),
Чехов аатынан уулусса, 66 (ветеринария балыыһата),
Шевченко аатынан уулусса, 8 (сылаас гараж),
Ново-Карьернай уулуссатын, 22А дьиэтэ,
К.Цеткин аатына уулусса, 2 (уокурук дьаһалтатын дьиэтэ),
Чернышевскай аатынан уулусса, 16-с дьиэтэ (ООО ЦАДС инженернэй булуога),
П.Алексеев аатынан уулусса, 21-4 — иккис подъезд,
Пригороднай: Сопхуос уулуссатын, 27, «Надежда» култуура киинин дьиэтэ,
Марха: «Сатал» СОНТ «Тундра» маҕаһыын харабылын пууна,
Сэбиэскэй уулусса, 38 (Ветеринарнай учаастак),
Маҕан: Антеннай уулусса, 1/3 (ветеринария пууна),
Тулагы: Совхознай уулусса, 2/1 (ветеринария пууна),
Хатас: Совхознай уулусса, 35/1 (нэһилиэк дьаһалтата), Ойуунускай аатынан, 4/1 (ветеринария учаастага), Комсомольскай уулусса, 20/2 (дьаһалта дьиэтэ), Эргэ Табаҕа сэлиэнньэтэ, Лесной уулусса 12-с дьиэтэ, «Искра» кулууп.
Хаҥалас: Партсъезд 26-та уулусса,3 (ветеринарнай пуун),
Жатай: Строд аатынан уулусса, 4 (ветеринарнай пуун).
