Кулун тутар 9-15 күннэригэр Muus uSTAR ыччат бэстибээлин чэрчитинэн 8-10 кылаас үөрэнээччилэригэр өбүгэ оонньууларыгар күрэхтэһии ыытыллар.
Бу туһунан «Юные якутяне» өрөспүүбүлүкэтээҕи ресурснай киин спорт уонна туризм салаатын методиһа Юрий Романов кэпсээтэ.
Күрэхтэһии икки түһүмэҕинэн ыытыллар: бастакы — улуустааҕы, иккис — өрөспүүбүлүкэтээҕи. Эпидимиологическай балаһыанньанан финалы дистанционно ыытарга быһаардылар.
Ол курдук, кыттааччылар национальнай таҥастаах бэйэлэрин билиһиннэрэллэр. «Тутум эргиир», «Наартаны ойуу», «Хабылык» уонна «Хаамыска» остуол оонньууларыгар кыргыттар уонна уолаттар киирсэллэр, оттон ыараханы көтөҕөн бириэмэҕэ сүүрүүгэ уолаттар күрэстэһэллэр. Ону тэҥэ тэрээһиҥҥэ ыстаҥа киирбит.
10-с кылаас үөрэнээччилэригэр абсолютнай кыайыылаахтар талааннаах оҕолору өйүүр чэрчитинэн Ил Дархан стипендиятыгар ананаллар. Кулун тутар 26 күнүгэр Дьокуускайга «Триумф» спорт киинигэр абсолютнай кыайыылаахтары наҕараадалыахтара.
Уопсай бириис пуондата 129 000 солкуобай. Чемпионнар уонна призердар сертификаттары ылыахтара.
