Бүгүн Таатта-Томпо кыраныыссытагар улуус баһылыгын э.т. Руслан Игнатьевич Захаров, сахалартан бастакы Албан аат уордьан толору кавалера Дмитрий Ананьевич Петров, Таатта улууһуттан сэриигэ барбыт Сэбиэскэй Сойууч Геройа Федор Матвеевич Охлопков ааттарын ахтан туран, Кыайыы Знамятын ыаллыы сытар Томпо улууһун баһылыгар Яков Иннокентьевич Степановка туттарда.
Тэрээһиҥҥэ Улуус дьокутааттарын Сэбиэтин бэрэссэдээтэлэ Петр Петрович Максимов, Дмитрий Ананьевич Петров кыыһа, АБДь кыттыылааҕын ийэтэ Астра Дмитриевна Петрова, улуус бэтэрээннэрин Сэбиэтин бэрэссэдээтэлэ Маргарита Арисовна Попова кыттыыны ыллылар.
Таатта улууһугар 2 күн устата 300 тахса киһи дойдубут туһугар олохторун толук уурбут саллааттарга ытыктабылларын биллэрдилэр, Кыайыы знамятыгар сүгүрүйдүлэр. Кинилэр ахсааннарыгар оскуола алын сүһүөхтэрин үөрэнээччилэрэ, бэтэрээннэр, Сэрии кэмин оҕолоро, эдэр ыаллар уо.д.а.
