Өлүөнэ өрүскэ муус устуута холбоспут диэн РФ ЫБММ Саха сиринээҕи салаата иһитиннэрэр.
Өрүс мууһа Кэбээйи, Нам улуустарынан уонна Дьокуускай куоратынан устар. Аллараа кирбиитэ Сангаар бөһүөлэгин аннынан 80 км-дээх сиргэ баар, үөһээ — Дьокуускай аннынан. Муус устуутун уһуна — 420 км, ааспыт сууккаҕа 40 км устубут. Аны икки-үс хонугунан Эдьигээн улууһугар өрүс эстэрэ күүтүллэр.
Орто Халыма аннынан Халыма өрүс эстэрэ ыам ыйын 20-21 күннэригэр күүтүллэр. Муус харыыта үөскүүр түгэнигэр уу таһыма кутталлаах кирбиини куоһарыан сөп.
Березовка өрүскэ икки-үс хонугунан муус устуута өрүс сүнньүгэр тахсарын сабаҕалыыллар. Кэлэр сууккаҕа уу таһыма үрдүүрүн сабаҕалыыллар.
Үөһээ Дьааҥы улуууһугар Дьааҥы өрүскэ муус хамсаабыт, Баатаҕай-Уус-Куйга учаастакка ырбыы бэлиэтэнэр, аллараа сүүрүгүнэн — муус тохтообут.
