Өрүс мууһа Ленскэй оройуоҥҥа тиийбит. Муус аллараа кирбиит Крестовскай гидропост уонна Ярославскай сэлиэнньэтин икки арлыгар баар. Уу таһынан барар куттала суох. Бу туһунан ЫБММ пресс-сулууспата иһитиннэрэр.
Ленскэй, Алдан уонна Өлүөхүмэ оройуоннарыгар суһал бөлөхтөр үлэлииллэр. Нүүйэ өрүскэ Комак метеостанциятын анныгар муус хамсаабыт. Ленскэй диэки ыам ыйын 9-13 күннэригэр хамсыыра күүтүллэр, Өлүөхүмэ өрүскэ уу 4-6 см үрдээбит, Дьикимдэ — Куду — Күөл учаастакка ыам ыйын 9-11 күннэригэр өрүс хамсыыра күүтүллэр. Алдан өрүс Томмоттооҕу учаастагар өрүс ыам ыйын 11-12 күннэригэр хамсыахтаах. Амма өрүс устатынан уу таһыма үрдүүр. Сунтаар уонна Ньурба оройуоннарыгар Бүлүү өрүс ыам ыйын 11-16 күннэригэр хамсыахтаах.
