Өлүөнэни туоруур муостаны 2021 сылга тутан саҕалыахтара. Бу туһунан бырабыыталыстыба бэрэссэдээтэлэ Владимир Солодов «РИА НОВОСТИ» информационнай ааҕыныстыбаҕа иһитиннэрдэ.
Күргэ бырайыага 2024 сылга диэри дойду магистральнай инфраструктуратын биир кэлим сайыннарыы былааныгар киирбитэ. Баараҕай тутууну судаарыстыба уонна чааһынай партнер бииргэ үлэлэһиитин ньыматынан олоххо киллэриэхтэрэ. Саха сирин былааһа күүстээх инвестор көһүннэҕинэ, федеральнай бүддьүөттэн үп тыырылла илигинэ бырайыактыыр, сметалыыр докумуонун ситэрэр санаалаах. Итиэннэ 2021 сылтан үлэни-хамнаһы саҕалыыры былаанныыр.
Даҕатан эттэххэ, муостаны тутууга Япония, Кытай уонна да атын дойду инвестордара киэҥ интэриэстэрин биллэрэллэр.
