Ленскэй оройуонун олохтоохторо Юлия Красман уонна Евгений Сивцев «Поле чудес» биэриигэ кыттыыны ыллылар.
Смс-оонньууга кыайыылааҕынан тахсыбытын туһунан Юлия Красман кэпсиир.
«Мин бэйэм ааппын күөх экраҥҥа көрөн наһаа соһуйбутум. 11 ый буолан баран биэриигэ уһулла ыҥырбыттара», — диэн кэпсээтэ.
Уҥуоҕунан уһанар маастар Александра Захарова үлэтин, Ленскэй худуоһунньуга Владимир Стадников хартыынатын, Светлана Моякунова оҥорбут дэйбиирин, «Сардаана» фабрикатыгар оҥоһуллубут таба тириититтэн дьиэ киэргэлин — Леоинд Якубовичка бэлэх туттардылар. Маны таһынан Евгений Сивцев олоҥхоттон быһа тардыыны уонна хомуска оонньоон иһитиннэрдэ.
Бу биэриини Бастакы телеханаалга олунньу 14 күнүгэр көрүҥ.
