Донецкай уонна Луганскай өрөспүүбүлүкэ олохтоохторугар гуманитарнай көмөнү хомуйуу пуунугар 2,5 туоннаттан тахса малы, бородууктаны аҕаллылар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
«Уустук быһыыга-майгыга түбэспит дьоҥҥо көмөлөһөргө Саха сирин олохтоохторо туттуллар малы-салы, таҥаһы- сабы уонна аһы-үөлү аҕалыахтарын сөп», – диэтэ СӨ ыччат уонна социальнай коммуникация миниистирэ Петр Шамаев.
Пуун сарсыарда 10:00-тан 20:00 чааска диэри Дьокуускай куорат, Орджоникидзе уулусса, 10-с №-дээх дьиэтигэр, иккис этээс аактабай саалатыгар үлэлиир. Итиэннэ бу нүөмэрдэргэ эрийэн атын бириэмэни болдьоһуохха сөп: +7( 4112)-50-88-93, +7 (4112)-50-88-92.
