Өрөспүүбүлүкэ киин куоратыгар ыытыллар «Цифровой алмаз» форумҥа РФ цифровой сайдыыга, сибээскэ уонна коммуникацияҕа миниистирэ Максут Шадаев ИТ-исписэлиистэрин саҥа наадалаах хайысхаларга бэлэмниир буолуохтара диэн иһитиннэрдэ.
Бу манна үрдүк үөрэх кыһатын ИТ-хайысхатыгар миэстэни элбэтэллэр уонна үөрэтии көрүҥүн уларыталлар. Аһаҕас кэпсэтии хаамыытыгар миниистиртэн боппуруос ыйыттылар: судаарыстыба ИТ-исписэлиистэрин үлэнэн хааччыйарга бэлэм дуо?
«Квалифицированнай исписэлиистэр тиийбэттэр уонна бүтүн үөрэх систиэмэтэ уларыйар, кинилэри элбэх ахсаанынан бэлэмниир курдук биһиги үрдүк үөрэх кыһатын ИТ-исписиэлинэстэригэр үөрэх миэстэтин элбэтэбит. Цифровой экономикаҕа хамсааһыммытын салгыыбыт, бу исписэлиистэргэ наадыйыыны олохтуоҕа», – диэн Максут Шадаев эттэ.
Миниистир бэлиэтииринэн, исписэлиистэр ахсааннарын элбэтии эрэ буолбакка исписиэлинэһи кэҥэтии наада.
«Бырагырааманан хааччыйыы үчүгэй эбит буоллаҕына, сэргэстэһэр исписиэлинэстэри сайыннарыахха наада. Бу роботехника, инженернэй систиэмэ, уопсайынан микроэлектрониканы, аппараат чааһын кытта сибээстээх. Исписиэлинэстэр сотору кэминэн наада буолуохтара уонна бу туһугар бэлэмнэнии тутулун уларытыахпыт», – диэтэ Максут Шадаев.
