Манчаары оонньууларын арыллыытыгар спорт миниистирэ Олег Матыцин кытынна

Россия спордун миниистирэ Олег Матыцин XXI Манчаары оонньуутун арыллыытыгар кытынна. «Ыарахаттары аахсыбакка бэлэмнэнэн, тэринэн кэлбит дьоҥҥо, спортсменнарга, тэрийээччилэргэ, Саха сирин бырабыыталыстыбатыгар улахан махталбын биллэрэбин. Саха сирэ спортка, култуураҕа, үөрэххэ ыытар политиката сөбүн уонна үтүө түмүктээҕин көрөбүт. Кыраһыабай, тыҥааһыннаах киирсиилэри, кыайыыны-хотууну баҕарабыт», — диэтэ кини.