Дьокуускай куорат Мархатыгар дьахтарга үс ыт саба түспүтүн туһунан иһитиннэриини муниципальнай киин управлениета олоҕо суоҕунан ааҕар. Бу туһунан мээрийэ пресс-сулууспата иһитиннэрэр.
Эрдэ социальнай ситимнэргэ дьахтарга ыттар саба түспүттэригэр сирэйэ уонна илиитэ эмсэҕэлээбитин туһунан иһитиннэрии тарҕаммыта.
«Дьокуускайдааҕы муниципальнай киин управлениета туох буолбутун быһаарда. Олохтоох бириэмэнэн 2.32 чааска суһал көмөҕө 2-с Набережнай уулуссаҕа дьиэлэр аттыларыгар дьахтарга үс ыт саба туспүтүн туһунан иһитиннэрии киирбит. Суһал көмө биригээдэтин кытта полиция үлэһиттэрэ миэститигэр тиийбиттэр», — диэн иһитиннэриигэ этиллэр.
Эмсэҕэлээбит дьахтары көрбүттэр. Ыкка ытыттарыыга майгыннаабат диэн быһаарбыттар. Дьахтары бииргэ олорор киһитэ кырбаабыт. Ону ыттар саба түспүттэрэ диэн эппиттэр.
Билигин дьахтары уонна эр киһини сымыйа сурахха уонна кырбааһыҥҥа холуобунай эппиэтинэс күүтэр диэн бэлиэтииллэр.
