Коммунальнай өҥө үлэһиттэрэ Марха микрооройуонугар, өрөспүүбүлүкэ киин куоратын үс ыйдаах санитарнай ыраастааһын чэрчитинэн субуотунньук тэрийэн ыыттылар. Куорат дьаһалтатын пресс-сулууспата иһитиннэрэр.
Ол курдук, «Теплоэнергия» АУо техниката уонна «Жилкомсервис» Муниципальнай унитарнай тэрилтэ ыраастааһын үлэтин ыытта.
Марха дьаһалтатын Олох-дьаһах коммунальнай хаһаайыстыбатын сүрүн исписэлииһэ Надежда Лощенкова иһитиннэрбитинэн, үлэ Комаров аатынан уулусса 4, 8, 12, Заводской уулусса 3, Экспериментальнай уулусса 8 нүөмэрдэригэр «Лидер плюс» салайар хампаанньа кыттыылаах ыытылынна.
Онтон тиэхиньикэ Интернациональнай уул., 7, Олег Кошевой аатынан уулуссаҕа турар 63-65, Дзержинскай аатынан уулуссаҕа турар 9-10 нүөмэрдээх дьиэлэргэ таарыйда.
Дьокуускай куорат уокуруктарыгар уонна кытыы сирдэригэр субуотунньуктар олунньу 8 күнүттэн бэс ыйын 1 күнүгэр диэри ыытыллыахтара.
