Баһаары утары охсуһар судаарыстыбаннай сулууспа үлэһиттэрэ РФ бэрэсидьиэнэ Владимир Путин итэҕэллээҕэ Марина Бахилинаны сылаастык көрүстүлэр.
Көрсүһүү кэмигэр Марина Бахилина Аҕа Дойдуну көмүскээччилэр дьиэ кэргэттэрин кэмитиэтин үлэтин кэпсээтэ уонна СВО кыттыылаахтарын дьиэ кэргэттэригэр ханнык судаарыстыбаннай көмөлөр оҥоһуллалларын туһунан сырдатта, ону тэҥэ баһаарынайдарга дьиэтин уоттан быыһаабыттарын иһин махтанна.
«Арай биирдэ аттынааҕы ыал дьиэлэрэ умайан, уот мин дьиэм сарайыгар кэлбитэ. Дьиэм барыта буруо буолбута. Баһаарынайдар кэлэннэр уоту умуруораннар дьиэм быыһаммыта. Маҥаннааҕы баһаарынай чаас эһигини кытта бииргэ үлэлииллэрин билбитим. Миигин быыһаабыт киһи сирэйин, саҥатын өйдөөн хаалбыппын: «Докумуоҥҥун ыл уонна дьиэттэн таҕыс», — диэбитэ. Мин эһиги хорсун санааҕытынан киэн туттабын, эһиги эмиэ дойдубут дьоруойдара, биһиги көмүскээччилэрбит буолаҕыт», — диэтэ Марина Бахилина.
