Ил Дархан быһа биэриигэ анал байыаннай дьайыы кыттыылаахтарыгар көмө улахан суолталааҕын өссө биирдэ бэлиэтээтэ.Бу туһунан байыастар дьиэ кэргэттэрин регионнааҕы кэмитиэтин салайааччыта Марина Бахилина иһитиннэрдэ.
«СВО түмүктэннэҕинэ Саха сиригэр психологтардаах, психотерапевтардаах реабилитационнай киин наада буолар. Анал байыаннай дьайыыга сыл аҥара сулууспа — олус уһун кээмэйдээх болдьох. Байыаннай сулууспалаахтарга уонна кинилэр дьиэ кэргэттэрин чилиэттэригэр реабилитационный маршрут оҥоһуллуохтаах. Кинилэр уйулҕа өттүнэн чөлүгэр түһэллэригэр туһалыаҕа. Дьиэ кэргэн аҕата СВО-ттан эчэйиилээх кэлэригэр кэргэнин уонна оҕолорун кинини хайдах баарынан ылыналларыгар бэлэмниир наада. Ону таһынан, байыас хантырааыган сулууспа кэмигэр үрдүк хамнастаах буоллаҕына эйэлээх олоххо төнүннэҕинэ кыра хамнастаах үлэҕэ киирдэҕинэ уйулҕа өттүнэн ыараханнык ылыныан сөп. Ол иһин байыастары үөрэтэн баран үлэнэн хааччыйыахха наада. Уолаттарбыт эйэлээх олоххо төннөн баран кыһалҕаларын кытта соҕотох хаалыа суохтаахтар», — диэтэ Марина Бахилина.
