Кырдьаҕастар уонна инбэлииттэр дьиэлэригэр РФ бэрэсидьиэнэ Владимир Путин итэҕэллээҕэ Марина Бахилина сырытта.
Социальнай киин дириэктэрэ Наталья Пахомова бэлиэтээбитинэн, кииҥҥэ кырдаҕастар уонна инбэлииттэр олороллоругар үчүгэй, табыгастаах усулуобуйа тэриллибит. Ону тэҥэ кииҥҥэ «Школа третьего возраста» диэн бырайыак үлэлиир. Манна аҕам саастаахтар анал байыаннай дьайыыга кыттар байыастарга харысхаллары оҥорбуттар уонна суруктары суруйбуттар.
Көрсүһүү кэмигэр Марина Бахилина Аҕа Дойдуну көмүскээччилэр дьиэ кэргэттэрин кэмитиэтин үлэтин кэпсээтэ уонна СВО кыттыылаахтарын дьиэ кэргэттэригэр ханнык судаарыстыбаннай көмөлөр оҥоһуллалларын туһунан сырдатта.
«Байыастары өйөөн харысхаллары оҥорбуккутугар, суруктары суруйбуккутугар махтанабын! Кинилэр эһиги оҥорбут харысхалгытын кэтэллэр, араас куһаҕантан көмүскүүр», — диэн Марина Бахилина кэпсээтэ.
«Специальный дом для граждан пожилого возраста и инвалидов» салаа олохтоохторо эмиэ СВО-ҕа көмөнү оҥороллор. Кинилэр маскировочнай сиэккэни баайаллар, блиндажнай чүмэчини оҥороллор. Михаил Гаврильевич этэринэн, атырдьах ыйын 2023 сылтан саҕалаан үлэлииллэр. Билигин манна уон киһи байыастарга көмөнү оҥорорго кытталлар.
«Ааспыт сылга биһиги 500 блиндажнай чүмэчи оҥорон, 140 маскировочнай сиэккэни баайан туттарбыппыт, быйыл өссө элбэҕи бэлэмнииргэ дьулуһабыт», — диэн Михаил кэпсээтэ.
