РФ бэрэсидьиэнэ Владимир Путин итэҕэллээҕэ, ДНР-га СӨ тирэх пуунун волонтера Марина Бахилина Саха сирин дьахталларын «Подруги – Дьүөгэлэр» аһаҕас пуорумун II-c съеһигэр кыттыыны ылла.
Марина Бахилина пленарнай мунньахха Саха сирин дьахталларын аһаҕас пуорума Владимир Путин көҕүлээбит национальнай бырайыактарын олоххо киллэриигэ, социальнай суолталаах кыһалҕалары быһаарыыга төһүү күүс буоларын бэлиэтээтэ.
«Анал байыаннай дьайыы саҕаламмытын кэнниттэн дьахталлар күүскэ үлэлээн барбыттара. Кинилэр харысхаллары, маскировочнай сиэккэлэри, блиндажнай чүмэчилэри уо.д.а. оҥороллор. Кыайыыны чугаһатарга улахан кылааттарын киллэрэллэр. мин эһиэхэ хас биирдиигитигэр махтанабын», — диэн Марина Бахилина эттэ.
Аҕа Дойдуну көмүскээччилэр дьиэ кэргэттэрин кэмитиэтин «Уголь земли русской» диэн уус-уран бырайыагар худуоһунньуктар анал байыаннай дьайыы кыттыылаахтарын портреттарын уруһуйдууллар. Марина Бахилина худуоһунньук Любовь Рубаниктан «Сунтар» хартыынаны уруһуйдуурга көрдөспүт. Санкт-Петербургтан сылдьар худуоһунньук чоҕунан уруһуйдуур дьоҕурдаах. Оттон худуоһунньук Виктор Чернов РФ Дьоруойа Дмитрий Егоров хартыынатын тыыннааҕымсытан биэрдэ. Портреты Дмитрий Егоров кэргэнигэр Надежда Алексеевнаҕа туттардылар.
