Өрөспүүбүлүкэҕэ хас да суолга тырааныспар хамсааһыныгар хааччахтар киирдилэр. Бу туһунан СӨ тыраанспарын министиэристибэтин пресс-сулууспата иһитиннэрэр.
«Бүлүү» суолугар үс тоннаҕа диэри 506 км уһуннаах Хампа-Бүлүү-Кэбээйи суолунан Бүлүү уонна Кэбээйи оройуоннарыгар Баҕадьа сэлиэнньэнэн таһаҕаһы тиэйии хааччахтаммытын иһитиннэрдилэр. Ону тэҥэ туһааннаах хааччахтааһын Мэҥэ- Хаҥалас оройуонун Майа-Төҥүлү–Бороҕон суолларыгар киирдэ.
Уу тахсыытын таһыма үрдээбитин түмүгэр Мингири өрүс муостатынан «Бөтүҥ» (191 км «Амма» м/с) — Мындаҕаайы — Чурапчы суолунан тырааныспар бары көрүҥнэригэр хамсааһын сабылынна.
Ону таһынан «Аһыма» (216 км. «Бүлүү») — Бэс-Күөл-Кэбээйи-Сангаар («Кэбээйи» м/с) массыына суолун сырыыта бобулунна.
