Матрена Ноговицына сүүс харахтаах дуобакка суперматч кыайыылааҕа буолла. Бу туһунан СӨ бырабыытылыстыбатын уонна баһылыгын дьаһалтатын пресс-сулууспата иһитиннэрэр.
Саха спортсмена аан дойду сэттэ төгүллээх чемпионун Тамара Тансыккужинаны (Башкортостан) кытта оонньото.
Үс сүрүн баартыйа уонна икки эбии оонньуулар тэҥнэһиинэн түмүктэннилэр. Үһүс эбии киирсиигэ Матрена Ноговицына кыайыылааҕынан таҕыста.
Уопсай бириис пуондата — 200 тыһ.солк. Кыайыылаахха 150 тыһ. солк сертификаты туттардылар, оттон утарсааччытыгар 50 тыһ. солк биэрдилэр.
Бэһис үбүлүөйдээх суперматч СӨ Үүнэр көлүөнэ тус тыаллаах пуондатын өйөбүлүнэн ыытылынна, киирсиини быһа эфиргэ НВК «Саха» ханаал көрдөрдө.
