Мэҥэ Хаҥалас депутата, улуус бизнес-инкубаторын дириэктэрэ Николай Скрябин оройуон аһынан-үөлүнэн хааччыллыытын туһунан сырдатта.
«Бүгүҥҥү күҥҥэ олохтоох маҕаһыыннарга розничнай атыыга сөптөөх ас-үөл саппааһа баар. Ас-үөл балаһыанньата бигэ туруктаах. Билигин сорох урбаанньыттарбыт табаардарын куораттан ылаллар. Ол гынан баран, биһиги урбаанньыттарбытыгар биир-икки нэдиэлэнэн сакаастаабыт табаардара-бородуукталара кэлиэхтээх. Улууска ас-табаар кэлиитэ чөлүгэр түһэн эрэр. Саахар, бурдук, куруппа розничнай атыыга билигин баар. Күннэтэ суһал штаб чилиэннэрэ оптовай маҕаһыыннарынан сылдьан сыаналары үөрэтэллэр уонна ас саппааһа төһө баарын көрөн бэлиэтииллэр. Бородуукта сыанатын аһара үрдэппит урбаанньыттар миэрэҕэ тардыллыахтара», — диэтэ Николай Скрябин.
