В.Н. Оконешников аатынан Павловскай орто оскуолатыгар «Сыл Бастыҥ учуутала» уонна «Эдэр педагог» куонкурустар ыытылыннылар.
Күрэхтэр Мэҥэ Хаҥалас улууһугар үөрэхтээһин 150 сылыгар анаммыт буолан уратылаах, үрдүк ирдэбиллээх буолла.
Улуус 12 оскуолатыттан саамай чаҕылхай, бастыҥтан бастыҥ, үлэлэригэр бэриниилээх, эдэрдии эрчимнээх педагогтар мустан, икки күн устата бэйэлэрин сатабылларын, оҕо иитиитигэр туттар ньымаларын, педагог быһыытынан билиилэрин көрдөрдүлэр, күрэхтэстилэр.
«Сыл бастыҥ учуутала-2024» куонкурус кыайыылааҕынан И.Г. Игнатьев аатынан Хара орто оскуолатын алын сүһүөҕүн учуутала Юлия Пинигина ааттанна.
«Эдэр педагог-2024» куонкуруска М.Е.Попов аатынан Аллараа Бэстээх 1 №-дээх орто оскуолатын историяҕа учуутала Айталина Бурнашева сүктэ.
