Тохсунньу 5 күнүгэр күнүс 14:30 диэки бириэмэҕэ Мэҥэ Хаҥалас улууһугар «Халыма» суол-иис 118 килэмиэтиригэр саахал тахсыбыт.
Барыллаан биллэринэн, 1984 сыллаах төрүөх Toyota Gaia суоппара Дьокуускай куораттан Чурапчы сэлиэнньэтин диэки айаннаан иһэн Toyota Wish массыынаны кытта харсыспыт.
Саахал түмүгэр араас истиэпэннээх эчэйиилэри ылбыт дьону Чурапчытааҕы киин балыыһаҕа киллэрбиттэр. Балыыһаҕа 1960 сыллаах төрүөх дьахтар ыарахан эчэйиилэриттэн олохтон туораабыт.
Тахсыбыт суол саахалыгар бэрэбиэркэ ыытыллар. Регионнааҕы Госавтоинспекция суоппардары суол быраабылаларын тутуһарга уонна суолга-иискэ болҕомтолоох буоларга ыҥыраллар.
Хаартыска: Госавтоинспекция
Мэҥэ Хаҥалас улууһун салаата
