Олунньу 3 күнүгэр Гавриил Колесов аатынан Олоҥхо дьиэтигэр анал байыаннай дьайыыга олохторун толук уурбут буойуннар аҕаларын көрсүһүүтэ буолан ааста.
«Бу көрсүһүүгэ 14 буойун аҕаларын кытта улуус баһылыгын нэһилиэнньэ олоҕун-дьаһаҕын хааччыйыыга солбуйааччы Николай Никифоров, «Аҕа дойдуну көмүскээччилэр»судаарыстыбаннай пуонда улуустааҕы социальнай координатора Лена Аммосова уонна волонтер дьиэ кэргэн Светлана, Владислав Диодоровтар-Лаврентьевтар көрүстүлэр»,- диэн иһитиннэриигэ этиллэр.
Кэпсэтиигэ аҕалар уолаттарын туһунан санааларын, ахтыыларын үллэһиннилэр. Аҕаларга алгысчыт Денис Оконешников ыраастаныы алгыһын ыытта.
Хаартыска: Мэҥэ Хаҥалас улууһун пресс-сулууспата
