Медсестра Сусанна Козлова: бэрээдэги тутустахха эрэ, коронавируһу кыайыахпыт

Оҕо инфекционнай балыыһатын үлэһитэ Сусанна Козлова ковид биригээдэтигэр 2020 сыл муус устарыттан үлэлиир. Соторутааҕыта уоппускаттан тахсыбыт. Кини этэринэн, дьон балаһыанньаны ситэри өйдүү илик, саамай кылаабынайа гигиенаны тутуһуохха уонна изоляцияҕа олоруохха наада диир. «Сүрүннээн саастаах дьон уонна хроническай ыарыылаах оҕолор изоляция бэрээдэгин тутуһаллара наада», — диэтэ кини. Үлэтин кэмигэр кини чугас дьонун харыстаан гостиницаҕа олорор. «Гостиницаҕа усулуобуйа үчүгэй эрээри, дьоммун ахтабын. Үлэбин сөбүлүүбүн. Билигин үлэбитигэр СИЗ көстүүм кэтэр буоламмыт, саамай кылаабынайа, сөпкө таҥныахха, сыгынньахтаныахха наада», — диэтэ медсестра. Сусанна бэрээдэги, изоляцияны тутустахха, устунан ыарыы аччыа дии саныыр.