Мииринэй оройуонун баһылыга Ришат Юзмухаметов Улуу Кыайыы 75 сылыгар аналлаах «Кыайыы рингтона» аахсыйаҕа кыттыста.
«Ыам ыйын 9 күнүгэр биһиги бэтэрээннэри кытта Улуу сэрии 75 сыллаах үбүлүөйүн бэлиэтиэхпит. Салгыы аахсыйаны Сунтаар улууһун баһылыгар Анатолий Грирьевка уонна Өлөөн улууһун баһылыгар Александр Ивановка ыытабын», — диэтэ кини.
Ришат Юзмухаметов төлөпүөнүгэр Булат Окуджав «Нам нужна одна победа» диэн ырыатын туруорда.
Улуу Кыайыы 75 сыллаах үбүлүөйүгэр аналлаах #РингтонПобеды челленджкэ кыттыан баҕалаахтар, төлөпүөннэригэр сэрии саҕанааҕы ырыаны хачайдаан ылан төлөпүөн тыаһыгар туруорараллар.
Ырыаны iTunes приложение нөҥүө ол эбэтэр Android төлөпүөннээх дьон ханнык баҕарар сайтан ылыахтарын сөп.
