Миирнэй оройуонугар, ахсынньы 24 күнүгэр, элбэх кыбартыыралаах дьиэҕэ баһаар түмүгэр үс киһи уокка былдьанна. Бу туһунан регионнааҕы ЫБММ пресс-сулууспата иһитиннэрэр.
Олохтоох бириэмэнэн түүн 2.53 чааска баһаары утары сулууспаҕа Светлай бөһүөлэгэр Гидростроителей уулуссаҕа таас дьиэҕэ биир кыбартыыра умайбытын туһунан иһитиннэрии киирбитэ.
«Баһаарынайдар икки мүнүүтэнэн тиийбиттэр. Бастакы баһаарынай кэлиитигэр дьиэ хоһо аҕаһас уотунан умайа турбут. Олорор дьиэттэн 26 киһи бэйэтэ эвакуацияланна, ол иһигэр түөрт оҕо. Үс киһи тыына быһынна: 1966 сыллаах төрүөх эр киһи, 1972 сыллаах төрүөх дьахтар, үһүс өлбүт киһи быһаарыллар», — диэн иһитиннэриигэ этиллэр.
Баһаар түмүгэр 30 квадратнай миэтэрэ иэннээх сир умайда.
Баһаар биричиинэтэ, буруйдаах уонна хоромньу быһаарыллар.
Уоту умуруорууга биэс баһаарынай массыына, личнай састааптан 15 киһи кытынна.
