Миирнэйгэ олорор дьиэ баһаарын миэстэтигэр 2014 сыллаах төрүөх оҕо өлүгүн буллулар. Бу туһунан регионнааҕы ЫБММ пресс-сулууспата иһитиннэрэр.
«Миирнэйгэ Дорожнай уулуссатыгар баһаар буолбутун туһунан иһитиннэрии баһаарынай-быыһыыр сулууспаҕа, ахсынньы 24 күнүгэр, сарсыарда 9.24 чааска киирдэ. Баһаарынайдар алта мүнүүтэнэн тиийбиттэр. Бастакы баһаарынай массыына кэлиитигэр дьиэ кырыыһата умайа турбут», — диэн иһитиннэриигэ этиллэр.
Баһаар түмүгэр дьиэ кырыыһата уонна 35 квадратнай миэтэрэ иэннээх сир эмсэҕэлээбит. Уопсай иэнэ 105 квадратнай миэтэрэ.
Баһаар биричиинэтэ, буруйдаах уонна хоромньу быһаарыллар.
Уоту умуруорууга үс баһаарынай массыына, личнай састааптан 17 киһи кытынна.
