Миирнэй оройуонугар Удачнай куорат «Полярнай» аэропордун саҥардыы үлэтин бастакы түһүмэҕин үбүлээһинин кээмэйэ 2,8 миллиард солкуобайга тэҥнэһэр. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Балаҕан ыйын 8 күнүгэр «Полярный» аэропорт көтөр-түһэр балаһатын Саха сирин Ил Дархан Айсен Николаев көрдө.
Манна 2022 сыл олунньу ыйыттан 2024 сылга диэри өрө көтөр-түһэр балаһаны, сырдатар тэриллэри, энергиянан хааччыйыы эбийиэктэрин саҥардыы бастакы түһүмэҕэ көрүллүбүт.
Онно федеральнай бүддьүөттэн саҥардыы үлэтин бастакы түһүмэҕин ыытыыга 2,8 млрд солк. кэриҥэ үбүлээһин көрүллүбүтэ биллэр.
Ону таһынан аэропорка тырааныспар инфраструктуратын эбийиэктэрэ нэһилиэнньэни дьоҕус бөлөҕүнэн хааччыйыыга туруоруллар ирдэбиллэргэ эппиэттээбэттэр, онон реконструкция аэропорду уонна көмө эбийиэктэри саҥардыаҕа.
Ону тэҥэ 1985 сыллааҕы электрическэй хочуолунайы саҥардыы уонна масыына суолун тутуу былааннанар.
