Сэтинньи 4-11 күннэригэр Москва Саҥа Арбаатыгар Уһук Илин дьаарбаҥката үлэлиир. Арбат киинигэр балыктары, крабтары, таба этин, балык искэҕин уо.д.а. буолуохха сөп. Ону тэҥэ кинигэлэр, сувенирдар, Уһук Илин маастардара оҥорбут оҥоһуктара киэҥ эйгэҕэ турдулар.
Дьаарбаҥка бастакы күнүгэр саха балыгын олус элбэх киһи уочараттыы-уочараттыы атыыласпыттар. Аһы-үөлү оҥорон таһаарааччылартан ураты Саха сириттэн дьаарбаҥкаҕа ювелирдар, муосчуттар, норуот маастардара кытталлар. Дьаарбаҥкаҕа ювелир дьыалатыгар, сылгы сиэлин өрүүгэ, муоһу кыһарга маастар-кылаастар ыытыллыахтара.
Дьаарбаҥкаҕа урутаан сайдыы сиригэр-уотугар (ТОР), уу аалын оҥорор, балыгы переработкалыыр, порт үлэтин, тыа хаһаайыстыбатын, туризм уонна сынньалаҥ эйгэлэр бырайыактарыгар аналлаах фотобыыстапка арылынна.
Дьаарбаҥка кэмигэр киэҥ хабааннаах култуурунай тэрээһин ыытылынна. Ыальдыттар иннилэригэр «Ситим» ансаамбыл, хомусчут Артур Семенов, ырыаһыт Анна Ильина-Какитока, этно-вокалист Анастасия Алексеева кэнсиэр көрдөрдүлэр.
