Саха сирин павильона дьоһун кэрэхсэбили көтөхтө. Уопсайа 300 тыһ. тахса киһи сылдьан өрөспүүбүлүкэ экспозициятын кытары билсибит.
Ахсынньы 1 күнүгэр ВДНХ-ҕа «Елки России» харыйата быыстапканы арыйыахтара. Саха сирин харыйата национальнай киэргэллэринэн, чорооннорунан, Чысхаан уонна Хаарчаана оҥоһуктарынан киэргэтиллибит.
Ону тэҥэ «Саха сирин виртуозтара» өрөспүүбүлүкэ скрипачтарын судаарыстыбаннай ансаамбыла кэнсиэр тэрийиэҕэ, маастар-кылаастар буолуохтара уонна Дьокуускайга саҥа дьыллааҕы харыйа уота сандаарар үөрүүлээх тэрээһинин ВДНХ-ҕа улахан экраҥҥа быһа эфиргэ көрдөрүөхтэрэ.
Тэрээһиннэр Уһук Илини, Арктиканы сайыннарыы министиэристибэтин 75 №-дээх былаһааккатыгар ыытыллыаҕа.
«Россия» норуоттар икки ардыларынааҕы быыстапка-форум дойду бэрэсидьиэнэ Владимир Путин соруйуутунан ыытыллар.
