Атырдьах ыйын 1 күнүттэн мунньуллар биэнсийэ 17,3 %-нан үрдүөҕэ. Бу туһунан Социальнай пуонда саайтыгар этиллэр.
Үрдэтии биэнсийэ мунньуллубут үбүн-харчытын инвестициялааһынын түмүгүнэн оҥоһуллар. Ааспыт сыл түмүгүнэн үп-харчы дохуота инфляция таһымын үс төгүл куоһарбыт. Биэнсийэни саҥаттан ааҕыы 136 тыһыынча кэриҥэ киһини хабыа, уонна сайабылыанньата суох бэрээдэгинэн ыытыллыа.
Ону таһынан, биэнсийэ үрдээһинэ кыттыгас үбү-харчыны угуу бырагырааматын кыттыылаахтарын, ийэ хапытаалын биэнсийэҕэ анаабыт төрөппүттэри уонна бэйэлэрэ үбү-харчыны мунньуммут дьону хабыа.
РФ бэрэсидьиэнэ Владимир Путин биэнсийэ мунньуллубут үбүттэн киирэр дохуоту мэктиэлиир тиһик туһунан сокуоҥҥа илии баттаабыта. Бу саҥардыы Социальнай пуонда инвестицияҕа Федеральнай хааһынаҕа биэрэр үбүн састаабын чопчулуур.
